Blogger BB Gathering @ 佐敦谷公園

2014年4月21日下午5:21 |
復活節最後一日假期,約左Blog友去佐敦谷公園野餐。本來今朝起身天陰有啲細雨,好彩天公造美,出到去冇落雨又唔曬。第一次去草地野餐,原來都幾舒服架,有機會真係想再去過 ^^
佐敦谷公園

復活節踢館:太空館 & 文化博物館

2014年4月19日下午11:23 |
自從買左博物館年票之後,老公一放假就唸住同肚B去其他館,依個復活節假就去左太空館同物化博文館。
   
尋日餵完肚B食飯就出發去太空館。年票唔包天象廳,雖然睇展覽都有野玩,不過我覺得唔太適合咁細個小朋友去,好多野肚B未識玩,所以好快就行完啦~
   
之後我地就行下海旁
尖沙咀海旁
      

壽桃牌兒童麵(自己食)

2014年4月13日下午2:01 |
記得好耐之前見一仔媽介紹壽桃牌有隻兒童麵,想畀肚B試好耐啦。尋日煮飯仔肚B食得麻麻,所以今日就試下煮麵畀肚B食。其實唔知兒童麵係咪真係健康啲,不過見到係畀「兒童」用或者食,始終都會放心啲。
   
壽桃牌兒童麵
   

煮飯仔(好激氣)

2014年4月12日下午5:46 |
其實前排個電子燉盅壞左,老公已經乘機叫奶奶用電飯煲整飯仔畀肚B食。見奶奶整整下都係變番杰粥(總之撈埋餸就變一pet pet啦!),所以我尋晚返黎見到就同奶奶講肚B要食飯仔,但奶奶仲係話驚肚B個胃仔頂唔順。
     
雖然肚B仲係好少牙,大牙都係得4隻,但肚B食飯仔都識咬細先吞,我覺得冇問題喎!除左仲係餵粥,奶奶成日驚肚B唔夠飽,話佢宜家咁大個要食8安奶(8安粉沖埋即係9安啦!),有時會再畀多2安(暈)。平時中午餵粥,食完之後沖埋涼2點幾又畀8安奶肚B食先抱佢瞓覺,好顛呀!
   
咁啱今日老公要同奶奶去拜山,我決定自己整飯仔畀肚B食!由於我廚藝麻麻,所以上網搵下靈感,見到依篇「幼兒食譜」用牛奶煎三文魚當白汁,我就參考依個食譜,不過冇落鹽改為落兩粒笑牛牌芝士吊下味。
飯仔
 

巧虎。寶寶版(2013年10月號)

2014年4月8日下午8:59 | | |
睇左《巧虎》9月號一個星期,由於肚B本身都肯拖手,所以開始畀佢睇10月號內容。
      
我會揀放假先同肚B一齊睇新一期《巧虎》,因為可以睇下肚B反應,自己又學下點同肚B玩,同埋學下裡面啲歌仔。
      
回顧:巧虎。寶寶版(2013年9月號)
   
2013年10月號內容
巧虎香港
   

歷史博物館 @ 尖沙咀

2014年3月31日下午9:19 |
尋日天陰陰,我都爭扎好唔好同肚B出街,不過老公話襯天陰陰要去科學館,可以用盡個年票又唔洗怕落雨。好彩結果都冇落雨,不過科學館超多人(條人龍排到去行人天橋個旋轉位),所以我地就去歷史博物館~
   
我地先去睇「影藏歲月 ─ 香港舊照片展」,果度放好多舊照出黎,話版權問題所以唔畀影相喎!我地覺得有啲悶,所以好快就行完去左另一度睇「香港故事」。
     
依度由遠至近咁睇以前嘅香港,都幾得意
歷史博物館
     

巧虎。寶寶版(2013年9月號)

2014年3月29日下午4:38 | | |
終於訂左香港版《巧虎》,前幾日一次過收到2013年9月號到2014年3月號嘅內容啦!
    
雖然肚B就黎2歲,但我考慮左好耐最終都決定訂寶寶版(可以參考巧虎:資料篇),因為肚B發展進度真係比同齡慢啲,而且寶寶版內容佢都唔係全部識或者做得好,我寧願佢學好基本功先。
    
首先拆開2013年9月號,除左DVD外,仲有本Parenting Guide、遊戲書同玩具
巧虎寶寶版
    

淘:洗手輔助器、貼紙

2014年3月26日下午10:14 | | |
依排成日幫同事淘寶,自己又淘左一堆野,又同大家分享下先~
 
兒童洗手輔助器:http://jnsm.tmall.com
>> 國內包郵RMB19.9,蟹個位置係軟膠可以套落手龍頭
 
好耐之前響Facebook見到間BB Shop介紹一個Aqua Duck兒童洗手輔助器,因為平時抱肚B洗手都要烏好前先洗到,所以想買黎試下。不過,Aqua Duck差唔多$90一個,淘寶又搵唔到翻版喎。
 
近排成日淘寶,無聊之下又搵下,終於搵到翻版啦!
淘寶
 

22個月,巨龍傳奇

2014年3月24日下午2:16 |
肚B已經22個月啦!依排我地開始畀多左其他野肚B食,老公前排就買左一底許留山芒果布甸返黎,睇B好鐘意食呢!
肚B
   

尋找BB鞦韆的故事

2014年3月18日下午8:23 |
之前見其他Blog友媽媽介紹一直好想搵BB鞦韆畀肚B玩,不過地點唔就腳所以冇去:    
     
其他BB鞦韆地點(資料由Blogger媽媽提供):
  • 九龍城寨公園、元朗公園、大埔海濱公園、屯門公園(Baby Kingdom)
  • 沙田圓洲角公園、乙明村公園、香港公園、北角電照街公園、鰂魚涌公園、迪欣湖(Piglet TSO)
  • 屯門公園、南昌公園、天水圍公園、佐敦谷公園、山頂柯士甸山道公園(小芊媽媽)
  • 荔枝角公園、佐敦谷公園、香港公園、青衣公園、西九龍海濱長廊、愉景灣沙灘、西貢敬民街(燒腩媽)
  • 紅磡海濱遊樂場、土瓜灣室內運動場外出遊樂場、海逸豪園博愛醫院任永賢夫人幼稚園旁遊樂場、亞皆老街球場旁三角公園(小草)
      
上次去香港動植物公園個遊樂場離遠見到得U型鞦韆冇行過去,事後聽燒腩媽講先知原來U型隔離就係BB鞦韆!之後有次特登想搵BB鞦韆,上康文署個網站見櫻桃街公園有適合2-5同5-12歲鞦韆,以為有BB鞦韆但都係冇。
   
結果襯今日我同老公都放假,終於響九龍城寨公園搵到BB鞦韆啦!唔係講笑,其實我同老公都未去過架~
九龍城寨公園
     

統計資料